“பல வருடங்கள் கழித்து, ஒரு பெற்றோராக நான், என் பெற்றோரின், ஒரே வருமானத்தில் கிறிஸ்துமஸின் சந்தோஷங்களை எங்களுக்கு வழங்க செய்த தியாகங்களை புரிந்து கொண்டேன். நான் வளர்ந்த அந்த காலங்களை திரும்பிப் பார்க்கும்போது நானும் குழந்தைகள் பெற்று பெற்றோர் ஆனதால், குழந்தைகளுக்கு சிறந்ததை கொடுக்க விரும்பும் உணர்வுடன் என்னால் முழுமையாக தொடர்புபடுத்திக்கொள்ள முடிந்தது. நம்மையும் நம்முடைய ஆசைகளையும் மறுக்க நாம் தயாராக இருக்கிறோம், இதனால் நாம் அனுபவிக்காத சந்தோஷங்களை அவர்கள் அனுபவிக்கக்கூடும். மத்தேயு 7:11 ல் இயேசு கூறுகிறார், “ஆகையால், பொல்லாதவர்களாகிய நீங்கள் உங்கள் பிள்ளைகளுக்கு நல்ல ஈவுகளைக் கொடுக்க அறிந்திருக்கும்போது, பரலோகத்திலிருக்கிற உங்கள் பிதா தம்மிடத்தில் வேண்டிக்கொள்ளுகிறவர்களுக்கு நன்மையானவைகளைக் கொடுப்பது அதிக நிச்சயம் அல்லவா?

இந்த கிறிஸ்துமஸ் காலத்தில் நமது குடும்பத்திற்கு சிறந்த கிறிஸ்துமஸை கொடுக்க தயாராகும்போது, நம்முடைய பரலோக தகப்பனும் நம்மில் சந்தோஷப்படுகிறார் என்பதை நினைவில் கொள்வோம். அவர் நமக்கென சிறந்ததை விரும்புகிறார், ஆனால் நாம் விரும்புவதை எப்போதும் பெறாவிட்டாலும், அவர் எப்போதும் நமக்குத் தேவையானதைக் கொண்டு நம்மை நிலைநிறுத்துகிறார். அவருடைய மகன்கள் மற்றும் மகள்களாக, அவர் நமக்கு மிக சிறந்ததை விரும்புகிறார் என்பதை அறிந்து கொள்வதில் நாம் எப்போதும் நம்பிக்கை பெறுகிறோம்.

இந்த உத்தரவாதத்துடன் இந்த நம்பிக்கையின் கலங்களை மகிழ்ச்சியுடன் கொண்டாடுவோம்.

அன்புள்ள பிதாவே, உங்கள் பிள்ளையாக உம்மில் என் அடையாளம் இன்னும் என்னை வியக்க வைக்கிறது. ஒவ்வொரு நாளும் என் வாழ்க்கையில் உங்கள் நன்மையைப் புரிந்துகொள்ள இந்த உண்மை எனக்கு உதவட்டும். ஆமென்.

– ஜாஸ்மின் டேவிட்

« முன்பு அடுத்து »