நமது அனுதின மன்னா ஊழியங்களை வழி நடத்த நாங்கள் எல்லாவற்றிற்கும் மேலாக தேவனையும், அவருடைய ஞானத்தையும், வல்லமையையுமே நம்பியிருக்கிறோம். தேவனே எங்கள் அஸ்திவாரம். தேவனுடைய வார்த்தையை பகிர்ந்து கொள்ளும் வாய்ப்பு எங்களுக்குக் கொடுக்கப்பட்டிருப்பதை அறிந்து, உண்மையுள்ள உக்கிராணாக்காரராக, எங்களிடம் ஒப்புக் கொடுக்கப்பட்ட பொருட்களை உண்மையாக உபயோகிக்க எங்களை அர்ப்பணிக்கிறோம்.


எங்கள் கொள்கைகள்

  • விசுவாசம், போதனை, செயல்கள் அனைத்தையும் கனம் பொருந்திய வேதாகமத்தோடு ஒப்பிட்டு பார்த்தே மதிப்பீடு செய்ய வேண்டும்.(2 தீமோ 3:16)
  • நாம் அறிக்கை செய்யும் விசுவாசத்தில் உண்மையோடு உறுதியாய் நிற்க வேண்டும். (2 தீமோ 1:13)
  • உபதேசங்களைப் போதிப்பதில் குறைகளற்ற வழியைப் பிரதிபலிக்க வேண்டும். (அப் 20:26,27)
  • நற்குணமும் திறமையும் கொண்ட தலைவர்களைத் தெரிந்தெடுக்க வேண்டும். (யாத் 18:21 ; 1 தீமோ 3:1-13)
  • இயேசு கிறிஸ்துவோடு நெருங்கிய ஐக்கியத்தில் நிலைத்திரு ‘நீ ஆதியில் கொண்டிருந்த அன்பை விட்டாய் என்று உன்பேரில் எனக்குக் குறையுண்டு’ என்று தேவன் உன்னைக் குறித்து சொல்ல இடம் கொடாதே. (வெளி 2:4)
  • நமது அனுதின மன்னா ஊழியங்களை உன் பெலத்தாலும் ஞானத்தாலும் செய்யாமல், தேவனுடைய ஞானத்தாலும் பெலத்தாலும் செய். (கலா 2:20, 3:3)
  • வேளை நேரத்திலும் பிற வேளைகளிலும் தேவனுடைய பிள்ளைகளை வேறு பிரிக்கும் நன்னடைத்தையில் நிலைத்திரு. (1 பே 1:14-15)
  • எப்பொழுதுமே தேவன் மேல் நம்பிக்கையாயிருந்து நீதியாய். நட (1 பே 3:16)
  • பிறர் நமக்கு சரியான நேரத்தில் சரியான உதவி செய்ய வேண்டுமென்று விரும்புகிற நாம், மற்றவர்களுக்கு அப்படியே செய்ய வேண்டும். (2 கொரி 4:5,15)
  • அன்போடு சத்தியத்தைப் பேசு, தேவையற்ற கோபத்தை விட்டுவிடு. (2 தீமோ 2:24)
  • நம்முடைய முயற்சிகளுக்கு நல்ல ஒத்துழைப்பு கொடுப்பவர்களுடன் ஒளிவு மறைவற்ற நேர்மையான உறவு வைத்துக்கொள். ( 2 கொரி 4:2)
  • தெருக்களில் விற்பவர்கள், விருந்தினர், அயலகத்தார், நண்பர்கள், சமுதாயம், அரசாங்கம் இவர்களோடு மட்டுமல்லாது யாவரிடமும் உறவையும் செல்வாக்கையும் காக்க உணர்வோடிரு. (ரோ 13:7,8)
  • நம்மோடு வேலை செய்பவர்களின் தனி மதிப்பையும், அவர்களின் சொந்த விருப்பு வெறுப்புகளையும் அறிந்து கொள். (பிலி 2:1-4)
  • நாமளிக்கும் செய்தி கனத்துக்குரியதாகவும், வல்லமையுள்ளதாகவும் இருப்பதற்கு நாம் ஜாக்கிரதையோடு பிரயாசப்பட வேண்டும். (1 கொரி 10:31)
  • நம்மிடம் கொடுக்கப்படும் யாவையும் குறித்து உண்மையுள்ள உக்கிராணக்காரனாயிரு. (1 கொரி 4:2)
  • கையிருப்பு பணத்திற்கேற்ப ஊழிய எல்லையைப் பெரிதாக்கு அல்லது சிறிதாக்கு.
  • கடன்படாதிரு. (ரோ 13:8)
  • நமது ஊழிய அமைப்பு பிழைத்து நிலைக்க வேண்டுமென்ற நோக்கத்தை முக்கியப்படுத்தி ஒருபோதும் தீர்மானம் எடுக்காதே. (பிலி 1: 19 – 26)
  • தற்புகழ்ச்சியைத் தவிர்த்துவிடு. (நிதி 27:2)
  • தேவன் பிறர்மூலமும் இதர அமைப்புகளின் மூலமும் செய்யும் கிரியைகளை இனம்கண்டு உரிய கனத்தைக் கொடு. (1 கொரி 1:10-13)
  • நமது நோக்கத்தை பலவீனப்படுத்தி உலகத்தோடு ஒத்துப்போகச் செய்யும் எந்த அமைப்போடும் சேராதே. (2 கொரி 6:14)
  • அருகிலுள்ள திருச்சபைகளோடு இணைந்து அவர்களது ஆன்மீகத் தேவைகளைப் பூர்த்திசெய்யும் வழியில் ஊழியம் செய். (எபே 4:1-7)